ભારત બાયોટેક દ્વારા વિકસિત કરવામાં આવેલ કોરોના સામેની નાકથી આપવામાં આવતી પ્રથમ વેક્સિનને બીજા તબક્કાનું પરિક્ષણ કરવાની મંજૂરી મળી ગઇ છે તેમ ડિપાર્ટમેન્ટ ઓફ બાયોટેકનોલાજી એક નિવેદનમાં જણાવ્યું છે. પ્રથમ તબક્કાનું પરિક્ષણ 18 થી 60 વર્ષની ઉંમરવાળા લોકો પર કરવામાં આવ્યું હતું.
પ્રથમ તબક્કાનું પરીક્ષણ 18થી 20 વર્ષની ઉંમરના લોકો પર કરવામાં આવ્યું હતું
ડીબીટીએ એક નિવેદનમાં જણાવ્યુ છે કે ભારત બાયોટેકની નાકથી આપવામાં આવતી વેક્સિનના બીજા તબક્કાના પરિક્ષણને મંજૂરી આપી દેવામાં આવી છે. આ અગાઉ જારી કરવામાં આવેલ નિવેદન અનુસાર નાકથી અપાતી વેક્સિનના બીજા અને ત્રીજા તબક્કાના પરિક્ષણને મંજૂરી આપી દેવામાં આવી છે. ભારતમાં પ્રથમ વખત આવા પ્રકારની વેક્સિનના પરિક્ષણને મંજૂરી આપવામાં આવી છે.
બીબીવી 154 દેશની નાકથી અપાતી પ્રથમ વેક્સિન
કંપનીએ એક નિવેદનમાં જણાવ્યું છે કે પ્રથમ તબક્કાનું પરિક્ષણ સફળ રહ્યું છે અને પરિક્ષણમાં ભાગ લેનારા કોઇનામાં પણ વેક્સિન લીધા પછી કોઇ આડઅસર જોવા મળી નથી. ત્રીજા આત્મનિર્ભર પેકેજ હેઠળ મિશન કોવિડ સુરક્ષા મિશન લોન્ચ કરવામાં આવ્યું હતું. અિધકારીઓના જણાવ્યા અનુસાર ભારત બાયોટેકની બીબીવી154 વેક્સીન દેશની પ્રથમ નાકથી આપવામાં આવતી વેક્સિન છે.
