દુનિયાની પહેલી નાકથી આપવામાં આવતી કોવિડ-19 વેક્સિન:
નાકની રસી ‘INCOVAC’ પણ હવે દેશમાં ઉપલબ્ધ થવા જઈ રહી છે. આ નાકની રસી જાન્યુઆરીમાં ખાનગી હોસ્પિટલોમાં 800 રૂપિયામાં અને સરકારી હોસ્પિટલોમાં 325 રૂપિયામાં ઉપલબ્ધ થશે.આ ભારતની પ્રથમ નાકની રસી હશે, જેને બૂસ્ટર ડોઝ તરીકે લઈ શકાય છે. તેની ટ્રાયલ પૂર્ણ થઈ ગઈ છે. દેશમાં 14 જગ્યાએ તેનું ટ્રાયલ કરવામાં આવ્યું હતું. જેમાં 3100 લોકોએ ભાગ લીધો હતો.ડિસેમ્બરની શરૂઆતમાં, ભારત બાયોટેકની નાકની રસી બજારમાં લાવવાની મંજૂરી આપવામાં આવી હતી. આ રસી એવી રીતે તૈયાર કરવામાં આવી છે કે તે ઓછા પૈસામાં સામાન્ય લોકો સુધી પહોંચી શકે.
ભારત બાયોટેક ઇન્ટરનેશનલ લિમિટેડ (BBIL)એ મંગળવારે જણાવ્યું હતું કે તેની નાકની એન્ટિ-COVID-19 દવા ‘Incovac’ ની કિંમત પ્રાઈવેટ માર્કેટમાં રૂ. 800 (GST સિવાય) અને સરકારી પુરવઠા માટે રૂ. 325 (GST સિવાય) રાખવામાં આવી છે. આ દવા હવે કોવિન પોર્ટલ પર ઉપલબ્ધ છે. રસી બનાવનારી કંપનીએ એક પ્રેસ રિલીઝમાં જણાવ્યું કે આ દવા જાન્યુઆરી 2023ના ચોથા સપ્તાહથી ઉપલબ્ધ થશે. INCOVAK એ દુનિયાની પહેલી નાકથી આપવામાં આવતી કોવિડ-19 વેક્સિન છે.
એન્ટિવાયરલ રસી બે પ્રાથમિક ડોઝ માટે અને હેટરોલોગસ બૂસ્ટર ડોઝ તરીકે મંજૂરી આપવામાં આવી છે. હીટ્રોરોલોગસ બૂસ્ટર ડોઝમાં, બૂસ્ટર ડોઝ પ્રાથમિક ડોઝથી અલગથી આપી શકાય છે.
Incovac ના વિદેશી બૂસ્ટર ડોઝના ઉપયોગ માટે મંજૂરી મળી હતી.
આ મહિનાની શરૂઆતમાં, ભારત બાયોટેકને સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઈઝેશન (CDSCO) પાસેથી Incovac ના વિદેશી બૂસ્ટર ડોઝના ઉપયોગ માટે મંજૂરી મળી હતી. BBIL ના એક્ઝિક્યુટિવ ચેરમેન ક્રિષ્ના ઇલાએ કહ્યું કે INCOVAK ના ત્રીજા તબક્કાનું પરીક્ષણ કરવામાં આવ્યું છે. ઇન્કોવેકને વોશિંગ્ટન યુનિવર્સિટી, સેન્ટ લુઇસના સહયોગથી વિકસાવામાં આવી છે.
મોટી સંખ્યામાં એક સાથે લોકોને મળશે બૂસ્ટર ડોઝ:
ભારતને પ્રિકોશનરી ડોઝ માટે વધુ સારો વિકલ્પ મળ્યો છે. આનાથી એક સાથે મોટી સંખ્યામાં લોકોને રસી આપવામાં મદદ મળશે. આ એક એવી રસી છે, જેમાં કોઈ પણ પ્રકારની પીડા નહીં થાય અને તે અસરકારક હોવાનું માનવામાં આવે છે.તેને 2 ડિગ્રીથી 8 ડિગ્રી સેન્ટિગ્રેડના તાપમાને સંગ્રહિત કરી શકાય છે.
ગુજરાત, કર્ણાટક, મહારાષ્ટ્ર અને તેલંગાણા સહિત દેશના અન્ય કેટલાક ભાગોમાં તેના સંગ્રહ માટે વ્યવસ્થા કરવામાં આવી છે
બુસ્ટર ડોઝ માટે ઓનલાઈન બુકિંગ કરવુ પડશે:
ઈન્ટ્રાનેઝલ ભારત જ નહીં પરંતુ દુનિયાની પહેલી નેઝલ વેક્સિન છે અને 18 વર્ષથી ઉપરની ઉંમરના લોકોને તેનો બુસ્ટર ડોઝ આપવામાં આવશે. નેઝલ વેક્સિન હોવાથી તેનો ઉપયોગ વધારે સરળ અને સુરક્ષિત પણ છે. અત્યારે ઈન્ટ્રાનેઝલ વેક્સિન તમામ નાગરિકો માટે પ્રાઈવેટ વેક્સિનેશન સેન્ટર્સ પર ઉપલબ્ધ છે, પરંતુ તેનો ડોઝ લેવા માટે કોવિશિલ્ડ અને કોવેક્સિનની જેમ સ્લોટ બુક કરાવવો પડશે.
બુસ્ટર ડોઝ માટે કેવી રીતે બુકિંગ કરવુ:
- સૌથી પહેલા CoWIN વેબસાઈટ (WWW.COWIN.gov.in) અથવા પછી મોબાઈલ એપ દ્વારા સ્લોટ બુક કરી શકો છો.
- જો તમે પહેલા પણ વેક્સિન લીધી છે તો તે જ નંબરથી લોગિન કરવું.
- પોર્ટલમાં લોગિગ કર્યા પછી તમને Schedule વિકલ્પ શોધવો પડશે અને પિન કોડ અથવા જિલ્લાનું નામ એન્ટર કર્યા પછી નજીકના વેક્સિનેશન સેન્ટરની જાણકારી મળશે.
- તમારી નજીકનું વેક્સિનેશન સેન્ટર પસંદ કર્યા પછી ઉપલબ્ધ સ્લોટ્સમાંથી તમારે સ્લોટ પસંદ કરવાનો રહેશે.
- અંતમાં તમારે એપોઈટમેન્ટ કન્ફર્મ કરવાનું રહેશે અને આપેવા સમય પર વેક્સિનેશન સેન્ટર પર જવું.
