વોટ્સએપે(WhatsApp) અગાઉ વોઇસ ટ્રાન્સક્રિપ્શનને હેન્ડલ કરવા માટે થર્ડ પાર્ટી એપ ઉમેરવાનું વિચાર્યું હતું. જો કે, નવા રિપોર્ટ અનુસાર, વોટ્સએપે આ મામલો પોતાના હાથમાં લીધો છે અને ફીચર પર કામ કરી રહ્યું છે.
વોટ્સએપ (WhatsApp) ઘણા નવા ફીચર્સ પર કામ કરી રહ્યું છે. આ ખૂબ જ લોકપ્રિય ચેટિંગ એપ જે નવી સુવિધા પર કામ કરી રહી છે તેમા વોઈસ ટ્રાન્સક્રિપ્શન (Voice Transcription) ફીચર છે. વોટ્સએપે અગાઉ વોઇસ ટ્રાન્સક્રિપ્શનને હેન્ડલ કરવા માટે થર્ડ પાર્ટી એપ ઉમેરવાનું વિચાર્યું હતું. જો કે, નવા રિપોર્ટ અનુસાર, વોટ્સએપે આ મામલો પોતાના હાથમાં લીધો છે અને ફીચર પર કામ કરી રહ્યું છે. અહેવાલો અનુસાર, આ સુવિધા વપરાશકર્તાઓ માટે વૈકલ્પિક હશે અને હાલમાં તેને વિકસાવવામાં આવી રહી છે. વોટ્સએપે તાજેતરમાં ચેટ બેકઅપ માટે એન્ડ-ટુ-એન્ડ એન્ક્રિપ્શન ઓફર કરીને તેના મેસેજિંગમાં એક નવું સુરક્ષા સ્તર ઉમેર્યું છે.
લોકપ્રિય ટિપસ્ટર Wabetainfo અનુસાર, WhatsApp તેની મેસેજિંગ એપ પર વોઇસ ટ્રાન્સક્રિપ્શન ફીચર લાવવાની શક્યતા પર કામ કરી રહ્યું છે. આનો સીધો અર્થએ છે કે, જ્યારે ફીચર રોલઆઉટ થશે, ત્યારે એપ વોઇસ મેસેજનું ટ્રાન્સ્ક્રિપ્શન શરૂ કરશે. રિપોર્ટ અનુસાર, ‘અમે એન્ડ્રોઇડ માટે વોટ્સએપ પર થર્ડ પાર્ટી એપનો ઉપયોગ કરીને ચાર મહિના પહેલા તમારા વોઇસ મેસેજનું ટ્રાન્સ્ક્રિપ્શન મેળવવાની શક્યતા વિશે વાત કરી હતી.
વોટ્સએપ ફીચર ટ્રેકર જણાવે છે કે, ટ્રાંસ્ક્રિપ્શન મેળવવા માટે તમારા સંદેશા વોટ્સએપ અથવા ફેસબુક સર્વર્સ પર મોકલવામાં આવશે નહીં, પરંતુ એપલ દેખીતી રીતે વોઇસ ટ્રાન્સક્રિપ્શન સુવિધા આપે છે. જ્યારે તમારો વોઇસ મેસેજ એપલને તેની સ્પીચ રેકગ્નિશન ટેકનોલોજીને સુધારવામાં મદદ કરશે, તે તમારા નામ સાથે સંકળાયેલ નહીં હોય.
